- Arzu xanım, zaman sizi haradan götürüb hara gətirdi?

- Zaman məni düşünmədiyim bir məqamdan planlaşdırmadığım bir məkana gətirib çıxartdı.

- Öz istəyinizləmi həkim oldunuz?

- Bəli. Öz istəyimlə həkim oldum. Həkim olmaq mənim uşaqlıq arzum olub. Anam həkim olduğuna görə ona baxıb fərəhlənmişəm. Həmişə istəmişəm ki, insanlara yardım edim. Buna görə də, bu peşəni seçdim.

- Artıq neçə ildir ki, bu sahədə fəaliyyət göstərirsiniz?

- Artıq beş ildir ki, həkim olaraq fəaliyyət göstərirəm.

- Xarakter olaraq necə biridir Arzu xanım?

- Mən çox mülayim, qayğıkeş və dostcanlı biriyəm.

- Ağ xalat sizə nə verdi, sizdən nə aldı?

- Ağ xalat gözəl sənət verdi mənə. Amma əsəblərimi aldı (gülür).

- Nədən qorxursunuz?

- Yaxınlarımı itirməkdən.

- Ailəlisinizmi?

- Bəli, ailəliyəm.

- Bu işlə ailə həyatı alınırmı?

- Çox gözəl alınır.

- Bir həkim olaraq nəyə "yox" deyirsiniz?

- Vicdansızlığa və ədalətsizliyə "yox" deyirəm.

- Bir həkim olaraq sizi narahat edən məqam nədir?

- Pasientlərin tibbi biliklərinin az olması və bu sahədə maafilənmənin aşağı səviyyədə olması məni narahat edir.

- Sizin üçün nə olmamalı idi, amma oldu?

- Nə oldusa, gözəl oldu. Bundan sonra da olacaq, Allahın izni ilə.

- Oxuculara nə məsləhət görürsünüz?

- Məsləhət görürəm ki, tibb sahəsində maariflənsinlər. Öz adını qoruyan heç bir həkim istəməz ki, kimsə ondan narazı qalsı. Tibbdə yüz faizlik nəticə yoxdur. Hər pasientə individual yanaşılır. Bir də ki, kiçik bir ağrıları olsa da, internetdən və ya qonşudan, qohumdan məsləhət almasınlar, dərhal həkimə müraciət etsinlər. Çünki proflaltik tədbirlər gələcəkdə yarana biləcək xəstəliklərin və onların ağırlaşmasının də qarşısını öncədən almaq deməkdir.

- Mən Hippokrat andını içərkən ağlıma gəlməzdi ki,.. Bu fikri tamamlayın, zəhmət olmasa.

- Ümidlə müraciət edən xəstələrə şəfa bəxş etmək, onların ümidlərini doğrultmaq bir həkim kimi məsuliyyətli olmaqla yanaşı, həm də o qədər fərəh və sevinc vericidir.