Mərkəzi Univermaqda çalışan sahibkarlar bu gün etiraz aksiyası keçiriblər. Ticarətlə məşğul olan şəxslər univermaq rəhbərliyinin və vergi əməkdaşlarının səhlənkarlığı və məsuliyyətsizliyinin qurbanına çevriliblər. Belə ki, univermaq rəhbərliyi keçən ilin dekabr ayının vergisini sahibkarlardan toplasa da vergi xidmətinə təqdim etməyib. Bu o deməkdir ki, dövlət büdcəsinə ödənişlər olunmayıb.Bunu əsas gətirən vergi əməkdaşları Mərkəzi Univermaqda ticarətlə məşğul olan sahibkarları kütləvi şəkildə cərimələməyə başlayıblar. Vəziyyət o həddə çatıb ki, sahibkarlar mallarını yığışdıraraq ticarət yerlərini tərk ediblər.Baş verənlərdən həm maddi həm də, mənəvi əziyyət çəkən vətəndaşlar yaranmış problemlərin həll olunması üçün univermaq daxilində etiraz aksiyasına başlayıblar. Problem həllini tapmasa belə aksiyaların küçələrdə davam edəcəyinə şübhə etmirik.İnsanları dövlətdən narazı salıb, onları küçələrdə etiraz aksiyalarına sürükləyənlər kimlərdir?...

Görünən odur ki, problemin yaranmasında iki tərəf günahkardır,Vergi Xidməti və Mərkəzi Univermağın rəhbərliyi!!!Məhz bu iki tərəfin arasında mövcud olan "sövdələşmənin" hansısa səbəblərdən pozulması nəticəsində sahibkarlar hədəfə çevrilib,onlara haqsız yerə cərimələr tətbiq olunur, iş yerləri qapadılır, etiraz aksiyalarına start verilir. İqtisadi təlatümlərdən ayıla bilməyən sahibkarları belə təzyiqlərlə küncə sıxışdırmaq hansı mərkəzlərin və ya "başların" məhsuludur, deyə bilmərik. Görünən odur ki, yüzlərlə sahibkar və onların ətrafında çalışan o qədər də insan iş yerlərini itirmək təhlükəsi ilə üzləşiblər. Faktiki mənzərə ondan ibarətdir ki, sahibkarlar vaxtında vergi ödənişlərini yerinə yetiriblər. Vergi əməkdaşları ilə Univermaq rəhbərliyi arasında hansısa qaranlıq məsələlərin mövcudluğu sonda xoşagəlməz mənzərənin yaranmasına səbəb olub. Kimdir günahkar??? Dövlətin müvafiq qurumları baş verənləri incəliklərinə qədər araşdırıb günahkarları üzə çıxarmalıdır. Çünki,belə hadisələr Prezident İlham Əliyevin həyata keçirdiyi iqtisadi, sosial və siyasi kursla daban-dabana ziddir.

Mövzunu diqqətdə saxlayacağıq.скачать dle 10.6фильмы бесплатно