Anons

Dünən, 17:00- Mədəniyyət Nazirliyi teatr və kinoteatrların açılması üçün Operativ Qərargaha müraciət edib

Dünən, 16:37- Hökumət minatəmizləmə fəaliyyətinə dair tələbləri təsdiq edəcək

Dünən, 16:13- Azərbaycanda COVID-19 əleyhinə peyvənd olunanların sayı açıqlanıb

Dünən, 15:58- Nazirlər Kabineti unun qiyməti ilə bağlı qərar verib

Dünən, 15:24- Azərbaycanda "mü" ştammına yoluxma qeydə alınıb? - ÜST-dən cavab

Dünən, 15:00- Xankəndiyə qanunsuz səfər edən Fransa rəsmilərinə Azərbaycana giriş qadağası tətbiq olunacaq

Dünən, 14:35- Yeddi ay ərzində Azərbaycanda 64 mindən çox körpə doğulub

Dünən, 14:02- Azərbaycana elektromobillərin idxalı kəskin azalıb

Dünən, 13:47- ÜST üçüncü dozanın kimlərə vurulmasının tövsiyə olunduğunu açıqlayıb

Dünən, 13:46- Bakıda 29 yaşlı gənc qətlə yetirildi

Dünən, 13:19- İbtidai siniflərdə dərsliklər yenilənəcək

Dünən, 12:51- Nazirlik hava şəraiti ilə bağlı əhaliyə müraciət etdi

Dünən, 12:24- Nazirlik Səyavuş Aslanın küçədə gecələyən oğlunu axtarır

Dünən, 12:00- Evlilik və münasibət danışmanı Nabat Mirzəyeva: "Ailə bir ömür deməkdir"

Dünən, 11:38- Koronavirusdan sağalanlar bu problemlərlə üzləşir - Baş infeksionistdən açıqlama

Dünən, 11:05- Yollarda hərəkətə nəzarət gücləndiriləcək

Dünən, 10:17- Yeni metro stansiyası necə adlandırılacaq?

15-09-2021, 17:15- Güclü külək əsəcək - XƏBƏRDARLIQ

15-09-2021, 16:53- FHN-dən vətəndaşlara müraciət: Uşaqlara qarşı diqqətli olun!

15-09-2021, 16:27- Azərbaycanda bu güzəştlərin müddəti daha 5 il uzadılır

Haqqımızda Əlaqə

BU NECƏ “HƏMKAR"LIQDIR?! — Korrupsiyada öndə gedən, şəhid ailəsi və qazi görəndə isə “gizlənən” qurum

Tarix:11-08-2021, 10:14

BU NECƏ “HƏMKAR"LIQDIR?! — Korrupsiyada öndə gedən, şəhid ailəsi və qazi görəndə isə “gizlənən” qurum Yaxud AHİK rəhbəri daşıdığı vəzifənin məsuliyyətini dərk edirmi?

İkinci Qarabağ Müharibəsi və ondan sonra baş verənlər ayrı-ayrılıqda hər bir vətəndaşımızdan tutmuş müxtəlif səviyyəli dövlət idarələrinə, məmurlara, irili-xırdalı iş adamlarına, şirkətlərə, müəssisə və təşkilatlara qədər hər bir şəxs və qurum üçün böyük sınaq oldu. Ancaq təəssüf ki, bu sınaqdan heç də hər kəs, hər qurum, hər təşkilat üzüağ çıxa bimədi...

Artıq 28 ildir ki, ölkəmizdə Azərbaycan Həmkarlar İttifaqları Konfederasiyası(AHİK) adlı qurum var və 28 ildir ki, bu quruma Səttar Möhbalıyev rəhbərlik edir. Ancaq indiyə kimi bu təşkilatın adı korrupsiya, yeyinti, saxtakarlıq, “putyovka” alverindən başqa demək olar heç bir normal, yaxşı əməldə hallanmayıb.

“Seçki yolu” ilə 6 dəfə AHİK sədri olmaqla yanaşı, ardıcıl 5 dəfə də eyni yolla deputat olan S.Möhbalıyevin özü isə ölkədə “köhnə komanda”nın təmsilçisi, Prezidentin sabiq köməkçisi Əli Həsənovun qudası, nəhayət tutduğu vəzifə hesabına oliqarxa, milyonçuya çevrilən şəxs kimi tanınır.

BU NECƏ “HƏMKAR"LIQDIR?! — Korrupsiyada öndə gedən, şəhid ailəsi və qazi görəndə isə “gizlənən” qurum


Bütün bunlar öz yerində və təbii ki, Azərbaycanda hələ də vəzifədə olan və məlum üsullarla varlanmaqda davam edən “köhnə qvardiya” üzvlərinin sırası S.Möhbalıyevlə məhdudlaşmır. Uzun illər parlamentə Ramiz Mehdiyevin “xətti” ilə düşən də tək Möhbalıyev deyil.

Lakin təəsüf və hətta hiddət doğuran hal odur ki, necə deyərlər, “oturduğu yerdə müftə pul qazanan”, bütün dövlət müəssisələrindən, əksər biznes strukturlarından AHİK-ə üzvlük haqqı adı altında əmək haqlarının 2 faizi civarında vəsait toplayan, təkcə bu istiqamətdən ildə 50 milyon manata yaxın pul qazanan bir qurumun adı nə müharibə dövründə, nə də ondan sonra hər hansı bir şəhid, yaxud qazi ailəsinə maliyyə dəstəyi göstərilməsində, yaxud onlarla bağlı hansısa sosial layihənin həyata keçirilməsində, digər xoş məramlı, dəstək xarakterli aksiyada, təşəbbüsdə keçməyib.

BU NECƏ “HƏMKAR"LIQDIR?! — Korrupsiyada öndə gedən, şəhid ailəsi və qazi görəndə isə “gizlənən” qurum


Yəni AHİK-in və onun rəhbərinin bu qəbildən olan ailələrə, şəxslərə bir “qara qəpiklik” xeyrinin dəydiyinə dair hər hansı məlumata rast gəlinmir.

Araşdırsanız görərsiniz ki, şəhid və qazilərimizin, eləcə də onların valideynlərinin olduqca böyük hissəsi AHİK-ə üzv olub və oraya üzvlük haqqı ödəyiblər. Lakin belə bir ağır və məsuliyyətli dövrdə AHİK və onun rəhbərliyi bu şəxslərə olan borcunu ödəməyi ağlının ucundan belə keçirmir. Sanki ya bu təşkilatın Azərbaycana heç bir aidiyyatı yoxdur, ya da Azərbaycanda ümumiyyətlə, bu adda qurum mövcud deyil. Hansı ki, hansısa vətəndaşı işə qəbul edilən andan etibarən özündən soruşmamış, dərhal AHİK-ə üzv edir və maaşının 2 faizinin bu qurumun hesabına üzvlük adı altında keçirilməsini təmin edirlər.

Bununla yanaşı, cəmiyyətin tabeçiliyində və dövlətin balansında olan onlarla sanatoriyalar AHİK sədrinin şəxsi biznes obyekti kimi idarə olunur. Uzun illərdir ki, “Abşeron”, “Günəşli”, “Bilgəh”, “Naftalan”, “Qaranquş” kimi sanatoriyalara “putyovka” tapmaq müşküldən də müşkül məsələdir.

BU NECƏ “HƏMKAR"LIQDIR?! — Korrupsiyada öndə gedən, şəhid ailəsi və qazi görəndə isə “gizlənən” qurum


Hamı bilir ki, bu sanatoriyalara “putyovka” adi AHİK üzvlərinin böyük əksəriyyəti üçün əlçatmazdır, əvəzində təşkilata heç bir aidiyyatı olmayanlar onları 400-500 manata əldə edə bilirlər. Bu pulların da nəticə etibarilə kimin cibinə axdığı heç kimə sirr deyil.

Ümumiyyətlə, həmkarlar şəbəkəsində ən çox korrupsiyalaşmış istiqamətlərdən biri “putyovkalar”la bağlıdır. Və il ərzində məlum yollarla toplanan külli miqdarda vəsaitin böyük bir hissəsi məhz bu istiqamət üzrə silinir. Bundan başqa, araşdıran olsa, bu qurumun tabeliyindəki ərazilərin, tikililərin və s. qanunsuz şəkildə icarəyə verilməsi, satılması barədə çoxsaylı faktlar üzə çıxa bilər.

BU NECƏ “HƏMKAR"LIQDIR?! — Korrupsiyada öndə gedən, şəhid ailəsi və qazi görəndə isə “gizlənən” qurum


Demək istədiyimiz odur ki, S.Möhbalıyevin “sağmal inək” kimi baxdığı bu təşkilat heç bir zəhmət çəkmədən milyonlarla vəsaitə yiyələndiyi halda, heç olmasa müharibə günlərində və ondan sonrakı dövrdə belə hansısa bir sosial, humanist təşəbbüslə çıxış etmədi, kimsəyə yardım göstərmədi. Əgər belə bir şey olsaydı, bunu mütləq “reklam edərdilər”. Ancaq mətbuatda, həmçinin sosial şəbəkələrdə AHİK-in nə bir şəhid ailəsi, nə də bir qaziyə dəstək verməsinə dair heç bir məlumata rast gəlinmir.

Məlumat üçün bildirək ki, AHİK 17430 həmkarlar ittifaqı təşkilatını və 1 milyon 600 minə yaxın üzvü əhatə edir. Bu, olduqca böyük bir təşkilatdır və belə bir quruma rəhbərlik edən şəxs Vətənə, onun şəhidinə, qazisinə hörmət etməyə, onun qayğısını çəkməyə həm mənəvi, həm də hüquqi baxımdan borcludur!

BU NECƏ “HƏMKAR"LIQDIR?! — Korrupsiyada öndə gedən, şəhid ailəsi və qazi görəndə isə “gizlənən” qurum


Bunu dərk etməyən, yaxud yekəxanalıqdan belə məsələlərə məhəl qoymayanlar isə tutduqları vəzifələrə layiq deyillər və belələrinin aqibəti gec-tez DTX-nın “baş çəkdiyi” məmurların aqibətindən fərqlənməməlidir.скачать dle 10.6фильмы бесплатно

ŞƏRH YAZ
yüklənir...
XƏBƏR LENTİ
FOTO
yüklənir...