08 iyul saat 11:30 radələrində Bakı-Sumqayıt yolundakı Ekologiya postunda təsadüf nəticəsində müşahidə etdiyimiz hadisə bu yazının qələmə alınması zərurətini yaratdı.Adı çəkilən yolda avtomobilimizlə hərəkətdə olarkən Dövlət Yol Polisi əməkdaşlarının xidmət apardığı ərazidə müşahidə etdiyimiz hadisə bəzilərinə kiçik görünsə də əslində, çox ciddi məqamlardan xəbər verir. Ağ rəngli, 99-ON-777(seriyada səhvə yol verilə bilər -red) dövlət nişanlı LAND-CRUİSER markalı Cip Ekologiya postunda Yol Polisi əməkdaşının "saxla" əmrinə tabe olmayaraq , təhlükəli vəziyyət yaradaraq ərazidən uzaqlaşmağa cəhd göstərdi.Xidmət başında olan bir neçə yol polisi əməkdaşları "saxla "əmri verməsinə baxmayaraq avtomobilin sürücüsü heç nəyə əhəmiyyət verməyərək yoluna davam etdi.Təlimata uyğun olaraq yol polisi əməkdaşları xidməti avtomobillərinə əyləşərək, səsgücləndirici vasitəsi ilə qayda pozuntusuna yol verən avtomobili izləməyə başladılar.Bir neçə kilometr məsafədən sonra qayda pozmuş avtomobili dayandirmaq mümkün oldu.Baş verənləri anbaan izlədiyimiz üçün xidməti vəzifələrini yerinə yetirən Yol Polisi əməkdaşlarına yaxınlaşaraq nə baş verdiyi ilə maraqlandık.Məlum oldu ki , avtomobili idarə edən şəxsin sürücülük vəzifəsi yoxdur.Bu azmış kimi avtomobil başqa şəxsə məxsusdur. Yol Polislərindən onu da öyrənə bildik ki , avtomobil sürücü ilə birlikdə yaxınlıqdakı bölməyə aparılacaq, məsələ orada araşdırılacaq və qanunun tələblərinə uyğun olaraq tədbirlər görüləcək.
Adətən anoloji hadisələrin avtoxuliqanlar tərəfindən törədilməsi hallarına çox rast gəlinir.Amma bahalı avtomobil sahiblərinin bu cür qanun pozuntularına yol verməsi də nadir hallardan deyil.Bu o deməkdir ki , kifayət qədər maddi imkanlara sahiblənmiş oliqarxlar və məmurlar asayişin və təhlükəsizliyin keşiyində dayanan polis əməkdaşlarına hörmətsizlik etməkdən belə çəkinmirlər.Yuxarıda müşahidə etdiyimiz hadisə ətrafdakı onlarla vətəndaşın və sürücünün gözləri qarşısında baş verirdi.Belə çıxır ki harınlamış və qudurğan hala gəlmiş oliqarx məmurlar insanların gözləri qarşısında cəmiyyətə açıq hörmətsizlik edirlər , özlərini qanunlardan üstün sayırlar və bu əməlləri nümayişkaranə şəkildə etməkdən çəkinmirlər.Baş verənlər bir daha onu deməyə əsas verir ki, harınlamış oliqarx məmur balalarının heç bir əndazəyə sığmayan hərəkətlərinin qarşısının alınması istiqamətində ciddi addımlar atılmalıdır.Əks halda nəinki Dövlət Yol Polisinin hətta ,dövlətin nüfuzuna açıq hörmətsizliklə müşaiyət olunan halların artmasının şahidi olacağıq.
Yuxarıda qeyd etdiyimiz hadisə baş verərkən kənardakı vətəndaşların kinayəli və etinasız baxışları diqqətimizdən yayınmadı.Amma, Yol Polisi əməkdaşlarının qudurğan sürücüyə qarşı anındaca həyata keçiridiyi təqib ətrafdakı insanların baxışlarında müşahidə edilən qəzəbli baxışlara qismən də olsa su səpə bildi.Baş verənlər gün ərzində yollarımızda qeydə alınan onlarla hadisədən biridir.Kimlərin necə düşünməsindən asılı olmayaraq bu məsələdə bizim gəldiyimiz qənaət aşağıdakından ibarətdir.Hansısa harınlamış qudurğan məmur ya da oliqarx insanların gözü qarşısında polis əməkdaşının əmrinə aşkar şəkildə tabe olmayırsa bu , nəinki Azərbaycan Polisinə hətta dövlətə meydan oxumaqdır.Belə hallara qarşı mübarizədə hüquq-mühafizə orqanlarının yanında olmağa , əndazəsini aşmış məxluqların ifşa olunması və ictimai qınaq obyektinə çevrilməsi üçün əlimizdən gələni etməyə hazırıq. Belə hallara qarşı mübarizə ümumxalq mübarizəsinə çevrilməlidir.Əks halda ,belə xoşagəlməz hallarla çox rastlaşmalı olacağıq.
Daxili İşlər Naziri Vilayət Eyvazovun bu tip hallara qarşı barışmaz mövqedə olması barədə şübhəmiz yoxdur.Özünü qanunlardan üstün sayanların və Azərbaycan Polisinin imicinə , nüfuzuna , şərəf və ləyaqətinə xələl gətirən istənilən hala qarşı nazir Vilayət Eyvazovun qətiyyətli , prinsipial mövqe sərgiləyəcəyi ümidi ilə yazımızı tamamlamaq istəyirik.Bir daha vurğulamaq istəyirik ki , belə halların kütləvi xarakter almasının və təhlükəli tendensiyaya çevrilməsinin qarşısının alınması üçün cəmiyyət polislə birlikdə hərəkətə keçməlidir.Tarix sübuta yetirdi ki , biz birlikdə güclüyük.

P.S... Bir çox hallarda polisin qanunun tələblərinə uyğun olaraq kəskin addımlara əl atmasını demokratiyanın, insan hüquq və azadlıqlarının pozulması kimi qələmə verməyə çalışan ağzıgöyçəklərə isə susmağı və əl-ayağımıza dolaşmamağı tövsiyyə edirik...
Baş redaktor
Vasif Bayramoğluскачать dle 10.6фильмы бесплатно