İntiqam Yavər oğlu 21 sentyabr 1978-ci ildə Masallı rayonu Köçəkli kəndində anadan olmuşdur. 1985-ci ildə Masallı rayon Köçəkli kəndində S.Rəhimov adına orta məktəbə daxil olmuşdur. 1995-ci ilə qədər həmin məktəbdə təhsil almışdır. 1996-cı il oktyabrın 9-da Masallı rayon hərbi komissarlığından həqiqi hərbi xidmətə çağrılmışdır. 1996-cı il oktyabr ayının 12-də N saylı hərbi hissədə xidmətə başlamışdır. 1999-cu il may ayının 12-də Azərbaycan Respublikasının Silahlı qüvvələrindən ehtiyata buraxılmışdır. Uşaqlıqdan hərbiyə maraq bəslədiyi üçün 2000-ci il may ayının 27-də Masallı rayon Hərbi komissarlığında Azərbaycan Respublikasının Silahlı qüvvələrində Gizirlər məktəbinə daxil olmuşdur
2001-ci il yanvar ayının 13-də həmin məktəbi PDM-2 komandiri ixtisası üzrə bitirmişdir. 2001-ci il mart ayının 14-də xidmətini davam etdirmək üçün N saylı hərbi hissədə tağım komandirinin müavini vəzifəsində xidmət etmişdir. 2014-cü il mart ayının 8-də xidmətini davam etdirmək üçün N saylı hissədə PDM-3 komandiri vəzifəsində xidmət etmişdir. 2014-cü il sentyabr ayının 27-də N saylı hərbi hissənin BTR-82A komandiri vəzifəsində xidmət etmişdir.



Tankistimiz 2016-cı il Aprel döyüşlərində də böyük şücaət göstərmişdir. Uğurları, nailiyyətləri nəticəsində 2017-ci ildə baş gizir rütbəsi almışdır. Azərbaycan Ordusunun baş giziri olan İntiqam Abbasov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Füzulinin azadlığı uğrunda gedən döyüşlərdə savaşıb. İntiqam Abbasov sentyabrın 29-da Füzuli döyüşləri zamanı qəhrəmancasına şəhid olub. Masallı rayonunun Köçəkli kəndində dəfn olunub. Ailəli idi. İki övladı yadigar qalıb. Qızı Xədicə və oğlu Əli.
Azərbaycanın ərazi bütövlüyünün təmi edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti Ali Baş Komandan İlham Əliyevin 15 dekabr 2020-ci il tarixli sərəncamına əsasən İntiqam Abbasov ölümündən sonra “Vətən uğrunda” medalı, ”Füzulinin azad olunmasına görə” medalı və “Hərbi xidmətlərə görə” medalı ilə təltif edimişdir.
Azərbaycan xalqı hər zaman torpaqlarımızın azadlığı uğrunda canını qurban vermiş şəhidlərimizin xatirəsini əziz tutur və onlarla fəxr edir. Şəhidlərimiz bizim azadlığımız, müstəqillik, yenilməzlik, qəhrəmanlıq simvolumuzdur. Allah hər birinə rəhmət eləsin.

ELDAR QAFAROV


скачать dle 10.6фильмы бесплатно