Harvard Universiteti nəzdində fəaliyyət göstərən Qara Dəniz Təhlükəsizlik Proqramı Mərkəzinin geosiyasi risklər üzrə analitiki, Azərbaycanın Ukraynadakı sabiq səfiri Azər Xudiyev Ukraynanın nüfuzlu obozrevatel.com saytında maraqlı məqalə ilə çıxış edib.

Demokrat.az-ın xəbərinə görə, səfir hazırda Dağlıq Qarabağda baş verən proseslərdən, bu proseslərə Rusiyanın təsirindən, eləcə də postsovet ölkələrindəki qaynar nöqtələri ilə Qarabağda cərəyan edən hadisələrin oxşar tərəflərindən və digər məqamlardan bəhs edib.

Məqalədə qeyd olunur ki, 2021-ci ildə başlayan il Ermənistan-Azərbaycan qarşıdurmasına son qoymadı. Bu azmış kimi, rusların Azərbaycan ərazisi olan Dağlıq Qarabağda ilhaqının konturları görünür.

"Bu anneksiya, gizli və tədricən baş verən bir təcavüz növüdür. Postsovet məkanında bu təcrübə Rusiyanın xarici siyasətinin xüsusi alətlərindən birinə çevrilib. Gürcüstan, Ukrayna və Moldova həmin ilhaq praktikası ilə qarşılaşdılar və ikinci Qarabağ müharibəsindən sonra eyni vəziyyətlə Dağlıq Qarabağda Azərbaycan qarşılaşdı.

Azərbaycan Ordusunun Ermənistan ordusunu tamamilə məğlub etməsinə və Ermənistanın təslim aktını imzalamaq məcburiyyətində qalmasına baxmayaraq, Rusiya "sülhməramlıları"nın Dağlıq Qarabağa müdaxiləsi ilə Azərbaycanın tam hüquqlu hərbi qələbəsini saxladı.

Bu cür "sülhməramlılıq" Rusiyanın MDB ölkələrindəki ilhaq məntiqinə uyğundur. Rusiyanın anneksiyasının ümumi xarakteri, şəxsiyyəti və strateji hədəfinə zidd deyil. Bu cür proseslər Gürcüstan, Moldova, Ukrayna və Belarusda həyata keçirilib. Son vaxtlar Qazaxıstanda da bunun nəfəsi duyulmaqdadır.

Bundan əlavə, Rusiya əvvəlcə Ermənistanı müttəfiqi və KTMT-nin üzvü kimi güclü şəkildə dəstəkləyərək, ona çoxlu sayda silah tədarük etdi. Və bu gün ermənilər Qarabağ ərazilərində Rusiyanın "sülhməramlı" qüvvələrinin olması şəklində açıq dəstək hiss etdikdə, qisasla bağlı sözlər getdikcə ermənilərin ağzından eşidilir. Və bu bir istisna və ya bir epizod deyil" -deyə məqalədə qeyd olunur.

Analitik, indiki vəziyyətdə Dağlıq Qarabağda baş verənlərin fonunda çıxış yollarına da toxunub:

"Bu məsələdə yalnız regional dövlətlərə güvənməyə ehtiyac yoxdur - Rusiya onlardan daha güclüdür. Buna görə çox şey ABŞ və Avropanın bölgədəki Rusiya ilhaqına qarşı nə qədər birləşə biləcəyindən asılı olacaq. Bu baş verərsə, Rusiyanın hərbi-siyasi gücünün süqutu məhz Cənubi Qafqazdan başlaya bilər. Artıq 1990-cı ildə olduğu kimi - Azərbaycanda baş verən qanlı Yanvar hadisələrindən sonra: bu hadisə həqiqətən SSRİ-nin dağılmasının başlanğıcı oldu. Tarix təkrarlana bilər.

Proseslərin belə bir dönüş ehtimalı çox yüksəkdir. Cənubi Qafqazdan olan bir ölkə, son 30 ildə ilk dəfə praktik olaraq təkbaşına, iyirminci əsrin 90-cı illərində Rusiyanın birbaşa iştirakı ilə işğal olunmuş qanuni ərazilərini azad etdi. Gürcüstan, Ukrayna və Moldova hələ belə bir nəticə əldə edə bilməyiblər. Buna görə də işğal olunmuş ərazilərin azad edilməsi üzrə Azərbaycan təcrübəsini öyrənirlər".

Məqalənin tam versiyası ilə bu linkdən tanış ola bilərsiniz:
https://news.obozrevatel.com/abroad/polzuchaya-anneksiya-rossii-v-azerbajdzhane-kak-i-kto-etomu-mozhet-protivostoyat.htm?fbclid=IwAR3TVOfMcXHE6qTOcYuD1dCiymHdBquSumAaPpKAjJiRV4P88IZfIIvGc5Eскачать dle 10.6фильмы бесплатно