Müstəqilliyi qoruyub saxlamaq üçün güclü ordu ən vacib şərtlərdəndir. Güclü ordusu olmayan dövlətin müstəqilliyi daim düşmənlərin, yadellilərin təhlükəsi altındadır. Müasir dövrdə Azərbaycan Ordusu dünyanın ən güclü orduları sırasındadır. Ordumuz zəngin maddi-texniki bazaya, ən yeni silahlara malikdir. Lakin ordunu yenilməz edən təkcə silah və texnikanın gücü deyil. Ən yeni raketlərin, güclü silahların, topların, döyüş maşınların ola bilər. Lakin sənin qorxmaz, mərd, cəsur əsgərlərin yoxdursa, məğlub olarsan. "Öncə Vətəndir"! deyən oğullardır bizi yenilməz edən, Azərbaycan əsgərinin ən güclü silahı vətənpərvərliyi, Vətən sevgisidi!... Şah İsmayıl Xətainin bir deyimini xatırlayıram: "Qılınc həmin qılıncdır, qol o qol deyil". Bəli,silah-texnika düşməndə də var, lakin əsgər həmin əsgər, ürək həmin ürək deyil. Onların əsgərləri silahını döyüş meydanında qoyub qaçır, bizim əsgərlər isə son damla qanına qədər döyüşü davam etdirir...
Torpaqlarımız qətiyyətlə qorunur. Ordumuzun hər bölməsində vətənpərvər, cəsur və mərd oğulların xidmət etdiyinin daim şahidi oluruq.
Abdullayev Xəyal Yaşar oğlu - 1996-cı il 28 avqustda Cəlilabad rayon Badamağac kəndində anadan olub. 2015-ci ildə hərbi xidmətə çağırılıb.

2016-cı ildə aprel döyüşlərində iştirak edib. 2018-ci ildən N saylı hərbi hissədə müddətdən artıq hərbi qulluqçu kimi hərbi xidmətə başlayıb. 2020-ci il sentyabrın 27-dən Vətən Müharibəsinin iştirakçısı kimi tank bölüyündə döyüşüb. Xəyalın döyüş yolu həm də kəşfiyyat bölüyündən keçib. Oktyabrın 10-da Füzuli uğrunda gedən döyüşlərdə Xəyal baş nahiyəsindən ağır yaralanıb. Xəyalın yaralandığını və cəbhə bölgəsindən çıxarıldığını döyüş yoldaşı Vüqar adlı hərbiçimiz onun yaxınlarına bildirib. Buna baxmayaraq, Xəyaldan 15 gün müddətində xəbər tuta bilməyən valideynləri çox narahatçılıq keçiriblər. Nəhayətdə, oktyabrın axırında Xəyalın yeri dəqiqləşib. O, Respublika Neyrocərrahiyyə xəstəxanasına yerləşdirilib və orada əməliyyat olunub. Hal-hazırda Xəyal xəstəxanadan təxliyyə edilərək öz doğmalarına qovuşub.

Digər qardaş Nurlan isə Müdafiə Nazirliyinin Xüsusi Təyinatlılarından ibarət olan qrupda xidməti vəzifəsini gizir rütbəsində yerinə yetirir.



Qarabağ döyüşlərində fəal iştirak edib, Hadrut uğrunda gedən döyüşlərdə yaralanıb ,hazırda Respublika Hərbi Hospitalında müalicə alır. Hər iki qazimizə Allahdan şəfa diləyirik.

скачать dle 10.6фильмы бесплатно