Tərəqqi medallı, tanınmış taekvondoçu Fəridə Əzizovaya qarşı uzun müddətdir aparılan çirkin kampaniyanın səbəbkarı olan saytlar barəsində araşdırmalarımızın nəticəsini oxucularımızın və müvafiq dövlət qurumlarının diqqətinə çatdırmağı özümüzün peşə borcumuz hesab edirik. Heç kimə sirr deyil ki, ölkədə azad mətbuatın, söz və ifadə azadlığının təmin olunması üçün yetərincə imkanlar yaradılıb. Eyni zamanda bu proseslər qəbul edilmiş qanunvericilik aktlarında hüquqla tənzimlənir. Indi isə kimlərin bu şəraitdən necə bəhrələnməsi barədə faktlara istinad edən fikirlərimizi diqqətə çatdırırıq. Məlumat üçün bildirək ki, Open.az saytı Rövnəq Abdullayevin rəhbərlik etdiyi SOCAR tərəfindən maliyyələşdirilir. Bu saytın Rəvan və Gülnar adlı əməkdaşları Fəridə Əzizova və onun yaxın qohumu, həm də rəfiqəsi olan Aysel Akçimen haqqında həqiqətə uyğun olmayan, şəxsiyyəti alçaldan məqalənin ilk müəllifləridirlər. Yazının Open.az saytında dərcindən sonra Fəridə Əzizova adıçəkilən sayta zəng edərək, xəbərin dərhal siliməsini və təkzib verilməsini tələb edib. Lakin, yazının müəlliflərindən biri olan Rəvan yazını silməyəcəyini və təkzib verməyəcəyini bildirib. Bu azmış kimi xanım idmançıya məhkəməyə müraciət etməyi də məsləhət görüb. Bunun ardınca Rövnəq Abdullayevin maliyyələşdirdiyi saytların böyük bir hissəsi Open.az saytında gedən xəbəri öz internet resurslarına yerləşdirərək Fəridə Əzizovaya və Aysel Akçimenə qarşı total hücumlar təşkil edirlər. Çox böyük çətinliklərlə Open.az saytından adıçəkilən məqalənin sildirilməsinə və təkzib verilməsinə nail olandan sonra, hər iki xanım hücumların digər dalğasına məruz qalırlar. SOCAR-ın saytları Fəridə Əzizovaya qarşı “müharibə” elan edərək bütün resurslarını işə salmaqla onu nüfuzdan salmağa cəhd göstərirlər. Məcburiyyət qarşısında qalan xanımlar məhkəməyə müraciət edirlər və onların Open.az saytına qarşı qaldırdıqları iddia təmin olunur, sayt cərimələnir. Məhkəmə gedən ərəfədə sosial şəbəkələr və trollar vasitəsilə hələ də davam edən əxlaqsız kampaniya məhkəmə qərarından sonra daha da şiddətlənir. Bu kampaniyada aktiv rol oynayan Report.az saytı da daxil olmaqla digər saytların sırasına Qaynarinfo.az da qoşulur. “Gözlərini qan örtmüş” şəbəkə, iddiaçıların tələblərini qismən təmin edən Nəsimi rayon Məhkəməsinin hakimi Solmaz Mustafayevanı savadsızlıqda və qərəzlilikdə ittiham etməyə başlayır.

SOCAR-ın saytları tanınmış taekvondo ustası, ölkəmizi beynəlxalq aləmdə layiqincə təmsil edən, Prezident İlham Əliyevin “Tərəqqi” medalı ilə təltif etdiyi Fəridə Əzizovadan nə istəyirlər? Çirkin kampaniyanın dalında kimlər dayanır? Respublikada idmanı prioritet sahəyə çevirən Prezident İlham Əliyevin siyasətinə qarşı çıxaraq tanınmış idmançıları ləkələyən və nüfuzdan salan informasiyaların ictimailəşdirilməsini kimlər təşkil edir? Bəlkə bu yollarla Fəridə Əzizova da daxil olmaqla gənc və perspektivli idmançılarımızı ölkədən didərgin salaraq, başqa dövlətlərin bayraqları altında çıxış etmələrinə nail olmaqdır?...

Suallar çoxdur! Hələ də anlaya bilmirik ki, Prezidentin və Birinci Vitse-Prezidentin daim diqqət və qayğı göstərdiyi Fəridə Əzizovaya qarşı bu formada aşağılayıcı və çirkin kampaniya başladanların və israrla bunu davam etdirənlərin arxasında kimlər dayanır?

Araşdırmalarımız nəticəsində məlum oldu ki, Open.az saytında çalışan Rəvan adlı müxbir əsasən şou-biznes üzrə ixtisaslaşıb. Əslən Cənubi Azərbaycandandır.

Rəvan - Open.az-ın əməkdaşı

Yəqin dünyadan təcrid olunmuş və qapalı mühitdə dünyaya göz açan Rəvan, söz və ifadə azadlığının bərqərar olduğu demoratik ölkəmizdəki ictimai-siyasi vəziyyətdən “vəcdə” gəlib. Görəsən belə bir yazı ilə gündəmə gələn jurnalistin başına İranda hansı oyunları açarlar? Təəssüf doğuran hal odur ki, yazının müəllifi kimi Gülnar adlı bir xanımın da adı çəkilir. Rəvanı başa düşdük, bəs Gülnar xanım da daxil olmaqla, bu yazıları “həvəslə” tirajlayan saytlarda çalışan digər əməkdaşlar hara baxırlar? Bəlkə bu proseslərin arxasında “gözəgörünməz” qüvvə mövcuddur və ustalıqla hər şeyə nəzarət edir? Qaranlıq məqamlar çoxdur. Gəldiyimiz qənaət ondan ibarətdir ki, bizim də cavablarını tapmaqda çətinlik çəkdiyimiz sualların cavablarını yalnız hüquq-mühafizə orqanları verə biləcəklər. Biz yazdıq və ictimailəşdirdik, günahkarların tapılaraq qanunlar çərçivəsində cəzalandırılması isə hüquq-mühafizə orqanlarının səlahiyyətlərinə aiddir. Üç hissəli məqalələrimizdə bu şəbəkənin bütün konturlarını cızmağa çalışdıq, danılmaz faktlarla və sübutlarla kimin kim olduğunu ortaya qoymağa cəhd etdik. Hətta, peşə qaydalarımıza uyğun olmayaraq, digər saytların adlarını hallandıraraq, iradlarımızı bildirdik. Başqa cür ola da bilməzdi. Çünki ortada aparılan çirkin kampaniyanın nəticəsində dünyaya gəlməyə macal tapmayan körpəsini bətnində itirən azərbaycanlı qadını, baş verənlərə dözməyərək , beyninə qan sızması nəticəsində ölümlə çarpışaraq yataq xəstəsinə çevrilən ata, gənc yaşlarından Azərbaycan bayrağını dünyada dalğalandırmağa nail olan və perspektivli idmançımızın taleyi var. Ümid edirik ki, digər həmkarlarımız da, apardığımız ədalətli mübarizədə bizə dəstək olacaqlar. Biz də öz növbəmizdə sona qədər bu məsələlərin arxasınca gedəcəyik və bunu özümüzə vətəndaşlıq, insanlıq, həm də peşə borcu hesab edirik.

Araşdırma qrupuскачать dle 10.6фильмы бесплатно