Bu ilin yanvar ayında xarici ölkələrə gedən Azərbaycan vətəndaşlarının sayı ötən ilin eyni dövrü ilə müqayisədə 21,5% artaraq 433,7 min nəfər çatıb.

Dövlət Statistika Komitəsində verilən məlumata görə, ölkə vətəndaşlarının 38,1% İrana, 29,9% Gürcüstana, 16,8% Rusiya Federasiyasına, 9,7% Türkiyəyə, 1,1% Ukraynaya, 1% Birləşmiş Ərəb Əmirliklərinə, 3,4% isə digər ölkələrə səfər edib. Gedənlərin 67,4% kişilər, 32,6% qadınlar təşkil edib.

Bu dövrdə İrana gedən Azərbaycan vətəndaşlarının sayı 32,2%, Gürcüstana gedənlərin sayı 29,9 %, Türkiyəyə gedənlərin sayı 15,9% artmış, Rusiya Federasiyasına gedənlərin sayı isə 2,1% azalıb.

2020-ci ilin yanvar ayında xarici ölkələrə səfər etmiş Azərbaycan Respublikası vətəndaşlarının 84,2% dəmir yolu və avtomobil, 15,2% hava, 0,6% isə su nəqliyyatından istifadə edib.скачать dle 10.6фильмы бесплатно