Azərbaycanın bir qrup jurnalistinə Beynəlxalq Jurnalistlər Federasiyasının (BJF) təsis etdiyi “Beynəlxalq media vəsiqəsi” (İnternational Press Card) təqdim edilib.

Jurnalistlərin Həmkarlar İttifaqının (JuHİ) sədri Müşfiq Ələsgərlinin verdiyi məlumata görə, 2019-cu ilin ikinci yarısı üzrə “Beynəlxalq media vəsiqəsi” BJF-nin Azərbaycan üzrə təmsilçisi olan Jurnalistlərin Həmkarlar İttifaqının 7 üzvünə verilib.

Bunlar “Xalq cəbhəsi” qəzetinin baş redaktoru Elçin Mirzəbəyli, ATV-nin əməkdaşı Elnarə Dərzi, araşdırmaçı jurnalist Şəhla Aslan, Bakı Dövlət Universitetinin Jurnalistika fakültəsinin müəllimi, jurnalist Anzulə Cəfərova, AzərTAC-ın əməkdaşı Səlim Rəhimzadə, “Cənub xəbərləri” qəzetinin baş redaktoru Zahir Əmənov və AzTV-nin əməkdaşı Minarə Xəlilovadır.

JuHİ sədrinin sözlərinə görə, BJF təsis etdiyi “Beynəlxalq media vəsiqəsi” jurnalistlər üçün dünyanın bütün ölkələrində qəbul edilən tanıtım nişanıdır. Vəsiqəni əldə etmiş jurnalist onu təqdim etməklə istənilən ölkədə informasiya toplamaq hüququ əldə edir. “Bununla yanaşı, kartın digər mühüm statusları da var. Vəsiqə sahibi olan jurnalist risqli bölgələrə səfər edərkən, öncədən məlumat vermək şərtilə, BJF və onun yerli üzv təşkilatı tərəfindən diqqətdə saxlanılır. Bu halda təhlükə ilə üzləşən: təqib edilən, əsir-girov götürülən, xəsarət alan, informasiya əldə etmək hüququ pozulan vəsiqə sahibinin vəziyyətdən çıxması üçün BJF lazımi dəstək göstərir”, - deyə Müşfiq Ələsgərli bildirib.скачать dle 10.6фильмы бесплатно